بہار کے لوگ بیدار ہوچکے ہیں ، خوابوں کے سوادگر کامیاب نہیں ہوں گے: آصف

آصف نے کسا طنز ،لالو اور نتیش بہار کو کتنی بار بنائیں گے نمبر ون

نئی دہلی17اکتوبرsm-asif-pic12020
آل انڈیا مائنارٹیزفرنٹ کے قومی صدر نے کہا کہ بڑی زرعی صنعتوں کے قیام کے بغیر بہار کو ملک میں نمبر ایک ریاست بنانا ناممکن ہے۔ ہمارا ترقی پسند جمہوری اتحاد ان دونوں شعبوں میں منصوبہ بند طریقے سے کام کرے گا جس سے روزگار کے مواقع میں تیزی سے اضافہ ہوگا۔ ریاست کے عوام خوشحال ہوں گے ، تب تجارت اور کاروبار میں اضافہ ہوگا۔ اس کی مدد سے تعلیم اور صحت کے میدان میں خود ترقی ہوگی۔
آصف نے یہاں جاری ایک بیان میں کہا کہ 30 سالوں سے وہ اس چھوٹی سی بات کو نہیں سمجھ سکے ہیں۔ انہوں نے کہا کہ ہر بار انتخابات میں یہ رہنما اور جماعتیں یہ دعویٰ کرتی ہیں کہ وہ بہار کو ایک اولین ریاست بنائیں گے۔ فرنٹ کے صدر آصف نے لالو جی اور نتیش جی سے پوچھا ہے کہ آپ کتنی بار بہار کو نمبر ون بنائیں گے؟
انہوں نے کہا کہ نتیش حکومت عوام کو فاقہ کشی ، بے روزگاری اور اب کورونا وبا سے بچانے میں ناکام ثابت ہوئی ہے۔ حکومت نہ صرف عام لوگوں کو کورونا سے بلکہ وزیر کو بھی بچانے میں ناکام رہی ہے۔
فرنٹ کے صدر نے کہا کہ نتیش کمار ، جو انسانوں کو صحت کی سہولیات فراہم کرنے میں ناکام رہے ہیں ، اب انتخابات کے وقت کہہ رہے ہیں کہ جانوروں کا ایک اسپتال دس پنچایتوں پر بنایا جائے گا۔ انہوں نے کہا کہ نتیش جملے بازی چھوڑ دیں۔ اس بار ان کی کاٹھ کی ہنڈی جل جائے گی،عوام ان کا وہم توڑ دیںگے۔ آصف نے بہار کے عوام سے کہا کہ وہ اس بار ترقی پسند جمہوری اتحاد کو مضبوط کریں۔ یہ اتحاد بہار کی عزت نفس کی حفاظت کرتے ہوئے بہار کو ایک روشن ریاست کی طرف لے جائے گا۔ انہوں نے دعوی کیا کہ اس بار این ڈی اے کا پتہ بہار سے صاف ہونا یقینی ہے۔

Comment is closed.