مونگیر میں درگا وسرجن کے دوران گولی کانڈ انتخابات کے لئے نتیش حکومت کی سازش: آصف

پٹنہ27اکتوبر2020
آل انڈیا مائنارٹیزفرنٹ کے قومی صدر ایس ایم آصف نے کہا کہ آج مونگیر میں انتخابات کے پہلے مرحلے سے ایک دن پہلے درگا وسرجن پر پولیس فائرنگ ثابت کرتی ہے کہ یہ فرقہ وارانہ طاقت بہار میں فساد برپا کرنا چاہتی ہے اور اس واقعے نے بہار کی موجودہ حکومت کا چہرہ بے نقاب کردیا۔ساتھ ہی یہ بھی فیصلہ ہو گیا کہ نتیش حکومت میں امن و امان ان کے قابو سے باہر ہوچکا ہے۔

بہار کے انتخابات میں ووٹنگ کا پہلا مرحلہ کل ہے اور اس سے ایک دن پہلے اس فائرنگ نے جے ڈی یو ، بی جے پی حکومت پر سوالیہ نشان کھڑا کردیا ہے۔ اپنی شکست دیکھ کر نتیش کمار اور بی جے پی اب اس طرح کی گھناو ¿نی حرکت پر اتر آئے ہیں۔ آصف نے کہا ہے کہ وہ اس واقعے کی اعلی سطح اور سی بی آئی تحقیقات کا مطالبہ کرتے ہیں۔ الیکشن کمیشن کو بھی اس معاملے میں دھیان رکھنا چاہئے۔